dhamtari म फेर मिले हे कोरोना पाजिटिव, अपन रिश्तेदार के घर आय रिहिस युवक

जय जोहार…. धमतरी (dhamtari) जिला के भखारा तहसील के ग्राम सेमरा म आज कोरोना संक्रमित एक मरीज मिले हे। संक्रमित युवक ह पाटन के रहवइया हे,

जेन ह सर्दी अउ खांसी लगे म पाटन क्षेत्र म अपन कोरोना टेस्ट के सैम्पल ल दे के ग्राम सेमरा म तीन दिन पहिले अपन रिश्तेदार के घर आय रिहिस, जेखर रिपोर्ट ह आज बिहिनिया एम्स ले जारी होय हे।

जेमा ओला कोरोना पाजिटिव बताय गे हे। (dhamtari) ए खबर ह मिले के बाद ग्राम सेमरा के लोगन मन ह दहशत म हे।

कुरुद के बीएमओ डॉ नवरत्न ह बताइस कि ये केस ह पाटन के हे, लेकिन अभी हमर मन के इहां हे, त ह मन लोगन ल सतर्कता बरते ल पड़ही।

ओला धमतरी (dhamtari) के कोविड अस्पताल म भेजे के तैयारी करे जावत हे। संक्रमित युवक ह ग्राम सेमरा म करीब 20 लोगन मन ले मिले हे, अइसे प्रारंभिक सूचना ह मिलत हे।

आगू अउ कान्टेक्ट हिस्ट्री ल निकाले जाही।