corona : रायपुर जिला म फेर मिले हे कोरोना संक्रमित, चार मरीज ह दिस कोरोना ल मात

जय जोहार…. रायपुर जिला म बुधवार के फेर कोरोना (corona) पाजिटिव मरीज मिले हे। बतावत जात हे कि नवा मरीज ह स्वास्थ्य विभाग के कर्मचारी हे, जेन तिल्दा के सामुदायिक स्वास्थ्य केन्द्र म कार्यरत हे।

एति माना कोविड अस्पताल ले चार मरीज ह कोरोना (corona) ले जंग जीत गे हे। जे मन ल अस्पताल ले डिस्चार्ज कर दे गे हे। ए  कोरोना (corona) मरीज मन ल 10 दिन पहिले भर्ती करे गे रहिस। स्वास्थ्य विभाग ह बताइस कि चारों मरीज ह माना बस्ती के रहवइया हे। सब्बो के ट्रेवल्स हिस्ट्री मिले रहिस।

बता देन कि राजधानी म अब तक 77 मरीज ह स्वस्थ होके अपन घर लहुट चुके हे। ऊहचे अभी 72 सक्रिय मरीज हे।