Dhamtari के राजपुर म मिलिस एक अउ कोरोना मरीज, सीएमएचओ ह करिन पुष्टि

जय जोहार…. धमतरी (dhamtari) जिला म कोरोना संक्रमित मरीज मन के संख्या ह सरलघा बाढ़त जावत हे। आज ए जिला के नगरी ब्लॉक के ग्राम राजपुर म एक युवक ह कोरोना पाजिटिव मिले हे।

मामला के पुष्टि करत हुये धमतरी (dhamtari) जिला के सीएमएचओ डॉ डीके तुर्रे ह बताइस कि युवक ह ट्रेक्टर ड्राइवर अउ कृषि कार्य ल करत हे। ए संक्रमित युवक ह ग्राम कसपुर के कोरोना संक्रमित युवक के संपर्क म आय रिहिस।

जेखर जानकारी मिलने के बाद स्वास्थ्य विभाग के तरफ ले ओला होम क्वारेंटाइन म रखे गे रिहिस। युवक के कोरोना टेस्ट ले गे रिहिस, जेखर रिपोर्ट आज पाजिटिव आय हे।

स्वास्थ्य विभाग के टीम ह ग्राम राजपुर बर रवाना हो गे हे। नवा संक्रमित युवक ल धमतरी (dhamtari) के कोविड अस्पताल म भर्ती करे जाही।