Corona: ए जिला म फेर मिलिस एक अऊ कोरोना मरीज, छत्तीसगढ़ म लगातार बाढ़त हे मरीज

जय जोहार। छत्तीसगढ़ म फेर एक अऊ नवा कोरोना (corona) पाजिटिव मरीज मिले हे, जेन नवा मरीज मिले हे, वो हा सूरजपुर जिला के रहवइया हे। एला मिला के राज्य म अब कोरोना संक्रमित मन के संख्या ह बाढ़ के 34 हो गे हे।

बतावत जात हे कि कुछु बेरा पहिले वो हा दिल्ली ले लहुटे रहिस, जेला क्वारेंटाइन करे गे रहिस। सूरजपुर ले ओखर सैम्पल ल रायपुर भेजे गे रहिस, सैम्पल के जांच म रिपोर्ट ह कोरोना (corona) पाजिटिव आय हे। बतावत जात हे कि मरीज ल सूरजपुर ले लाय के तैयारी करे जावत हे।

बता देन कि छत्तीसगढ़ म अब तक 93 कोरोना (corona) संक्रमित मरीज पाय गे हे, जेमा ले 59 मरीज मन ह स्वस्थ हो गे हे अऊ अस्पताल ले डिस्चार्ज होके अपन घर लहुट चुके हे।