corona: सरलघा बाढ़त जावत हे कोरोना मामला, प्रदेश म बीते 24 घंटा म मिलिस 1287 नवा मरीज
जय जोहार…. छत्तीसगढ़ म मंगलवार देर रात कोरोना (corona) के अऊ 142 नवा मरीज मिले हे। एला मिला के बीते 24 घंटा म प्रदेश म कोरोना के 1287 नवा मरीज मन के पहचान होय हे।
देर रात जेन कोरोना (corona) के नवा मरीज मिले हे, ओमा रायपुर ले 91, महासमुंद ले 21, बलौदाबाजार 13, धमतरी अऊ कोरबा ले 6-6, रायगढ़ ले 3, गरियाबंद ले 2 मरीज शामिल हे।
एखर पहिले देर शाम मिले नवा मरीज मन म ले रायपुर ले 364, रायगढ़ ले 117, बिलासपुर ले 104, राजनांदगांव ले 85, दुर्ग ले 72, दंतेवाड़ा ले 70, बस्तर ले 48, सरगुजा ले 40, कांकेर ले 38, सुकमा ले 28, बीजापुर ले 25, सूरजपुर ले 24, बलौदाबाजार ले 23, धमतरी ले 20, महासमुंद ले 17, नारायणपुर ले 16, कोंडागांव ले 13, कबीरधाम ले 11, गरियाबंद, जांजगीर अऊ आन राज्य ले 5-5, बालोद अऊ कोरबा ले 4-4, जशपुर ले 2, बेमेतरा, मुंगेली, गौरेला-पेण्ड्रा-मरवाही, कोरिया अऊ बलरामपुर ले 1-1 मरीज शामिल हे।
बता दन कि प्रदेश में कोरोना (corona) संक्रमित मन के संख्या ह बाढ़ के 23341 हो गे हे। जेमा ले 9388 एक्टिव मामला हे। उहचे 13732 लोगन मन ह बने होय के बाद अपन घर लहुटे चुके हे। ए वायरस ले 221 लोगन मन के मौत हो गे हे।
