corona: छत्तीसगढ़ म आज मिले हे कोरोना के रिकॉर्ड 1884 नवा मरीज, 578 मरीज मन ह होइस डिस्चार्ज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। मंगलवार देर रात कोरोना के अऊ 370 नवा मरीज मिले हे। एखर पहिले देर शाम कोरोना के 1514 नवा मरीज के पहचान होय हे।

प्रदेश म मंगलवार के कोरोना (corona) के रिकॉर्ड 1884 नवा मरीज के पुष्टि होय हे। उहचे 578 लोगन मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। जबकि बीते 24 घंटा म 10 लोगन मन के मौत हो गे हे।

मंगलवार देर रात जेन कोरोना (corona) के नवा मरीज मिले हे, ओमा रायपुर ले 213, धमतरी ले 30, सूरजपुर ले 27, बस्तर ले 24, कोरबा ले 18, दुर्ग ले 17, गरियाबंद ले 7, जशपुर ले 6, बेमेतरा अऊ कोरिया ले 5-5, बलौदाबाजार ले 4, सरगुजा अऊ बलरामपुर ले 3-3, मुंगेली अऊ आन राज्य ले 2-2, बालोद, महासमुंद, बिलासपुर अऊ कांकेर ले 1-1 मरीज शामिल हे।