Corona: देश म 24 घंटा म बाढ़ीस सबले जियादा 28637 नवा मरीज, 551 लोगन मन के होइस मौत

जय जोहार…. भारत म कोरोना (corona) संक्रमित मरीज मन के संख्या ह सरलघा बाढ़त जावत हे। पिछले 24 घंटा म कोरोना के 28 हजार ले जियादा नवा मामले के पहचान होय हे। ए दौरान 551 लोगन मन के जान चले गे हे।
केन्द्रीय स्वास्थ्य मंत्रालय ले जारी आकड़ा के अनुसार देश म अब कोरोना (corona) संक्रमण के कुल मामले ह 8 लाख 49 हजार 258 हो गे हे। जेमा ले 2 लाख 92 हजार 258 सक्रिय मामले हे। उहचे 5 लाख 34 हजार 621 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। पिछले 24 घंटा म देश म 28637 नवा मरीज मिले हे।