Raipur: कांग्रेस विधायक सत्यनारायण शर्मा के कोरोना रिपोर्ट आय हे पाजिटिव, ट्वीट कर दे हे जानकारी

जय जोहार…. (Raipur) रायपुर ग्रामीण विधानसभा क्षेत्र के कांग्रेस विधायक सत्यनारायण शर्मा के कोरोना रिपोर्ट ह पाजिटिव आय हे। ये जानकारी ल स्वयं विधायक शर्मा ह ट्वीट कर दे हे।

ट्वीट करत हुये विधायक शर्मा ह कहिन कि कुछु लक्षण दिखे के बाद मे हा कोरोना (Raipur) जांच करवाए हों, जेमा मोर रिपोर्ट ह पाजिटिव आय हे। मोर अनुरोध हे कि पिछिले दिनो मोर संपर्क म जेन व्यक्ति आय हे। ओ ह आइसोलेट हो जाए।

गौरतलब हे कि छत्तीसगढ़ म बीते 24 घंटा म कोरोना (Raipur) के 1324 नवा मामला सामने आय हे। उहचे 18 लोगन मन के मौत हो गे हे। छत्तीसगढ़ म अब तक कोरोना के कुल 2 लाख 35 हजार 322 नवा केस सामने आ चुके हे।