chhattisgarh म कोरोना टीकाकरण के संख्या ह होगे हे दो करोड़ ले जादा

जय जोहार…. प्रदेस (chhattisgarh) म कोरोना ले बचाव बर लगाय गे टीका के संख्या ह 8 अक्टूबर के दो करोड़ ले ऊपर होगे हे। स्वास्थ्य विभाग डहार ले मिले जानकारी के अनुसार प्रदेस म पहली अउ दुसरइया दुनो खुराक ल मिलाके अब तक (8 अक्टूबर तक) दो करोड़ 760 टीका लगाय गेहे।

प्रदेस (chhattisgarh) म एक करोड़ 41 लाख 77 हजार 728 मनखे मन ल कोरोना ले बचाव बर पहला टीका अउ 58 लाख 23 हजार 032 मनखे मन ल दुनो टीका ल लगाय जा चुके हे। प्रदेस म 45 बछर ले ऊपर के 84 प्रतिसत अउ 18 ले 44 बछर उमर वर्ग के 61 प्रतिसत मनखे मन ल कोरोना ले बचाव के पहला टीका लगाय जा चुके हे। (chhattisgarh) ए दुनोआयु वर्ग के 30 लाख 72 हजार 405 अउ 22 लाख 33 हजार 757 मनखे मन ह कोरोना वैक्सीन के दुनो खुराक ले चुके हे।