जय जोहार…. (korba ) कोरबा जिला वासी मन ल कोरोना संक्रमण ले सुरक्षा दे बर प्रसासन ह सत-प्रतिसत टीकाकरण म विसेस जोर देहे। हरेक दिन वैक्सीनेसन के संग बीच-बीच म टीकाकरण के महाभियान घलो चलाय जात हे।
(korba ) कलेक्टर श्रीमती रानू साहू के पहल म अब कोरबा सहर म टीकाकरण के बेरा ल बढ़ाय जात हे। सहर के छह ठीन कोविड टीकाकरण सेंटर म 31 जनवरी ले रात 10 बजे तक मनखे मन ल कोविड के टीका लगय जाही। ए केन्द्र म टीकाकरण मंझनिया दो बजे ले सुरू होही।
कोरबा सहर के बालको अस्पताल, एनटीपीसी अस्पताल, घंटाघर स्थित सियान सदन, एसईसीएल मुड़ापार अस्पताल, रानी धनराज कुंवर प्राथमिक स्वास्थ्य केंद्र अउ छुराकछार के टीकाकरण केन्द्र म मंझनिया दो बजे से रात 10 बजे तक कोविड वैक्सीनेसन के सुविधा सुरू होही।
ए संबंध म (korba ) जिला के मुख्य चिकित्सा अउ स्वास्थ्य अधिकारी डॉ.बी.बी.बोडे ह बताइन कि सहर के छह केन्द्र म रात 10 बजे तक कोविड टीकाकरण सुरू होय ले बालको, एनटीपीसी, एसईसीएल, सीएसईबी जइसे सार्वजनिक उपक्रम म काम करइया मनखे मन ल ओखर काम अवधि के बाद घलो टीका लगवाय के सुविधा मिलही। वो हा बताइन कि आन टीकाकरण केन्द्र म पहले के तरह ही बिहनिया नौ बजे ले साँझा चार बजे तक कोविड वैक्सीनेसन के काम चलत रही।
