Corona: सांसद सुनील सोनी के पीएसओ ल होय हे कोरोना, एम्स के चार कर्मचारी ह घलो पाजिटिव

जय जोहार…. छत्तीसगढ़ म कोरोना (corona) मरीज मन के संख्या ह सरलघा बाढ़त जावत हे। रायपुर सांसद सुनील सोनी के पीएसओ ल कोरोना हो गे हे। एखर आलावा एम्स के चार कर्मचारी घलो संक्रमित पाय गे हे। एखर पुष्टि ल स्वास्थ्य विभाग ह करे हे।
बतावत जावत हे कि सांसद सुनील सोनी के पीएसओ ह आज घलो सांसद के संग घूमत रिहिस, जबकि सैम्पलिंग ह तीन दिन पहिले होय रिहिस। जेखर जांच रिपोर्ट ह आज आय हे, जेन ह कोरोना (corona) पाजिटिव मिले हे। ऊहचे एम्स के चार कर्मचारी मन ह घलो कोरोना पाजिटिव पाय गे हे।

बता देन कि ए नवा मरीज मन के संग प्रदेश म कोरोना (corona) संक्रमित मरीज मन के संख्या ह बाढ़ के तीन हजार ले जियादा हो गे हे। एमा ले 2362 मरीज मन ह स्वस्थ होय के बाद डिस्चार्ज कर दे गे हे।

जबकि सक्रिय मरीज मन के संख्या ह 640 हे। ए वायरस से प्रदेश म अब तक 14 लोगन मन के मौत हो गे हे।