aiims म अवइया तीन दिन नई होही कोरोना के जांच, पढो पूरा खबर

जय जोहार…. प्रदेश म कोरोना संक्रमित मन के संख्या ह सरलघा बाढ़त जावत हे। ए बीच एम्स (aiims) रायपुर ले एक बड़का खबर सामने आवत हे।

जानकारी मिलत हे कि अवइया तीन दिन तक एम्स म कोरोना के जांच नई होही। बता देन कि एम्स (aiims) म रोज 900 सैंपल के जांच होवत हे।

दरअसल डिसइन्फेक्शन के सती कोरोना के जांच अवइया तीन दिन तक नई करे के (aiims) फइसला ले गे हे। उहचे तीन दिन तक कोरोना के जांच बर सैंपल ल मेकाहारा भेजे जाही।

बता देन कि प्रदेश म कोरोना के पहिली बार गुरुवार के 1052 नवा मरीज मिले हे, जेखर संग प्रदेश में कोरोना संक्रमित मन के कुल संख्या ह बाढ़ के 18637 हो गे हे।
जेमा ले 6726 एक्टिव मामला हे।

उहचे 11739 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 172 लोगन मन के मौत हो गे हे।