Corona: एसपी आफिस म पदस्थ प्रधान आरक्षक ह मिलिस कोरोना संक्रमित

जय जोहार…. राजधानी रायपुर म कोरोना (corona) संक्रमण ह सरलघा बाढ़त जावत हे। राजधानी के एसपी आफिस के ओएम शाखा म पदस्थ प्रधान आरक्षक ह आज कोरोना संक्रमित मिले हे।
दू दिन पहले प्रधान आरक्षक ह तबीयत खराब होय के बाद कोरोना जांच ल कराये रहिसि। प्रधान आरक्षक के रिपोर्ट ह कोरोना (corona) पाजिटिव आय हे। एखर बाद एसपी ऑफिस ल सील कर दे गे हे।
जानकारी के अनुसार एसपी आफिस ह 17 ले 20 जुलाई तक बर बन्द कर दे गे हे। उहचे प्रधान आरक्षक के प्राइमरी कान्टेक्ट म अवइया लोगन मन के टेस्ट होही।
बता दन कि एखर पहले रायपुर के कबीरनगर थाना के सब इंस्पेक्टर ह कोरोना (corona) संक्रमित मिले हे। एखर बाद कबीर नगर थाना ल सील कर दे गे हे।