राहत भरे खबर, सांसद सुनील सोनी अउ ओखर पत्नी के कोरोना रिपोर्ट ह आय हे निगेटिव

जय जोहार…. राजधानी रायपुर ले राहत भरे खबर आवत हे। सांसद सुनील सोनी अउ ओखर पत्नी के कोरोना जांच रिपोर्ट ह निगेटिव आय हे। शुक्रवार के सांसद के पीएसओ के रिपोर्ट ह कोरोना पाजिटिव आय रिहिस।

एखर बाद सांसद सुनील सोनी ह परिवार समेत होम क्वारेंटाइन हो गे रिहिस अउ सब्बो ह कोरोना टेस्ट कराय रिहिस। अब जांच रिपोर्ट ह निगेटिव आय के बाद सांसद अउ ओखर संपर्क म आय लोगन मन ह राहत के सांस ले हे।
बता देन कि प्रदेश म कोरोना संक्रमित मरीज मन के संख्या ह तीन हजार ले जियादा हो गे हे। जबकि एक्टिव मामले ह 637 हे।

ऊहचे 2414 लोगन मन ह कोरोना ल मात दे के अपन घर लहुट चुके है। ए वायरस से प्रदेश म अब तक 14 लोगन मन के मौत हो चुके हे।