कोरोना वायरस, निगम कमिश्नर ह छत्तीसगढ़ होटल अऊ रेस्टारेंट एसोसिएशन के बुलाइस बइठक, व्यवसायी मन ल दिस ए निर्देश

जय जोहार रायपुर…. कोरोना वायरस ल लेके नगर निगम कमिश्नर सौरभ कुमार ह आज छत्तीसगढ़ होटल एंड रेस्टारेंट एसोसिएशन के बइठक बुलाइस। बैइठक म कोरोना वायरस ले बचे बर दिशा-निर्देश दे गिस।

ए मऊका म बताए गिस कि राज्य सरकार ह कोरोना वायरस ल लेके गंभीर हे। एला लेके सबो एहतियातन कदम उठाए जात हे। इही कड़ी म होटल व्यवसायी मन ल सावधानी बरते के निर्देश जारी करे गे हे।

होटल म मास्क अऊ सेनिटाइजर के इस्तेमाल करे के निर्देश दिए गे हे। संगेसंग कोनो बाहरी व्यक्ति के होटल म ठहरे के घलो जानकारी उपलब्ध कराए बर निर्देश दिस।