बेनाम बादशाह ऊपर नगर निगम के जुर्माना , स्मार्ट सिटी के दीवाल ऊपर लगाय रिहिस पोस्टर

जय जोहार रायपुर…. छत्तीसगढ़ी फिलिम बेनाम बादशाह अभी राजधानी के प्रभात सिनेमा म लगे हे अऊ एखर पोस्टर शहर के जम्मो जगह आप मन ल देखे बर मिल जाहि जेमा करन खान अऊ मुस्कान के चेहरा दिखत हे , बता दन कि ये फिलिम के पोस्टर संतोषी नगर के अंडर ब्रिज म लगा दे गे रिहिस जिन्हा स्मार्ट सिटी के अंतर्गत वाल पेंटिंग रिहिस पोस्टर लगे के कारण दीवाल के सुन्दरता भंग होत रिहिस अइसे कहिके नगर निगम ह फिल्म के निर्माता अऊ सिनेमाघर संचालक ऊपर जुर्माना ठोक दिस एती फिल्म वाला मन नगर निगम के ये कार्यवाही ले नाराज नजर आत हे ऊंखर कहना हे कि छत्तीसगढ़ी सिनेमा ल बढ़ावा दे बर सरकार आघू आवत हे लेकिन नगर निगम के ये कारवाही समझ ले परे हे, बता दन कि जेन टूरा मन ये पोस्टर लगाय के काम करथे तेन मन ल ये मालूम नई रहे कि कहाँ पोस्टर लगाना हे अऊ कहाँ नई लगाना हे , अब ये गलती के खामियाजा निर्माता अऊ सिनेमा मालिक ल भुगतना पडत हे .