सदन म उठिस ट्रैक्टर अऊ कृषि उपकरण खरीदी म भ्रष्टाचार के मामला, मंत्री ह मानिस- क्रय नियम मन के नई होइस पालन

जय जोहार रायपुर…. कांग्रेस विधायक सत्यनारायण शर्मा ह सदन म कृषि यांत्रिकीकरण सब मिशन के तहत खरीदे गे ट्रैक्टर अऊ कृषि उपकरण के मामला ल उठाइस। वो हा कहिन कि अधिकारी मन ह गलत जवाब दे हे। विधायक ह कहिन कि 22 नवंबर 2019 के 18 ट्रैक्टर, 31 दिसंबर 2019 के 16 ट्रैक्टर खरीदे गे हे। इतना महंगा ट्रैक्टर ल क्यों खरीदे गिस।

कृषि मंत्री रविंद्र चौबे ह कहिन कि 34 ट्रैक्टर खरीदे गिस। बीज निगम के रेट कान्ट्रैक्ट के हिसाब ले ट्रैक्टर खरीदी करे गे हे, लेकिन ये सच हे कि भंडार क्रय नियम मन के पालन नई होए हे। मंत्री ह ऐलान करिस कि सालभर म जतका घलो खरीदी होए हे, ओखर जांच कराए जाही। कार्रवाई घलो करे जाही।