Congress: देश कोरोना ले जूझत हे मोदी मनावत हे जन्म सप्ताह महोत्सव : मोहन मरकाम

जय जोहार…. (Congress) भारतीय जनता पार्टी के तरफ ले प्रधनमंत्री नरेंद्र मोदी के जन्म दिन ल जन्म सप्ताह महोत्सव मनाय के फइसला ल कांग्रेस ह बेहद आपत्तिजनक अऊ अंसवेदनशील बताईस हे।

प्रदेश कांग्रेस (Congress) अध्यक्ष मोहन मरकाम ह कहिन कि देश आज कोरोना के भीषण महामारी ले जूझत हे। देश के नागरिक मन के जीवन ह संकट म हे। नागरिक ह बीमारी अऊ मौत ले संघर्ष करत हे।

भारत म कोरोना के मरीज ह लगभग 51 लाख पहुंच गे हे। अब तक हमर मन के देश के 82 हजार ले जादा लोगन मन के ए महामारी के सती मौत हो गे हे। भारत म कोरोना ले दुनिया म सबले जादा लगभग 92 हजार मरीज ह रोजाना बाढत हे। कोरोना मरीज मन के मामला म ह मन दुर्भाग्यजनक ढंग ले अमेरिका के बाद दूसर नंबर म हन।
प्रदेश कांग्रेस (Congress) अध्यक्ष मोहन मरकाम ह करिन कि कोरोना सती लोगन मन के धंधा अऊ व्यवसाय ह चौपट हो गे हे। फैक्ट्री, दुकान बन्द होय के कगार म हे। लोगन मन के नौकरी ह जावत हे। देश म बेरोजगारी ह चरम म हे। देश के सकल घरेलु उत्पाद जीडीपी इतिहास म सबले न्यूनतम ऋणात्मक 24 म पहुंच गे हे।