छत्तीसगढ़ हाईकोर्ट के बड़का पहल, देश के पहली वीडियो कांफ्रेंस लोक अदालत ह काली, 2500 ले जियादा मामले के होही सुनवाई

जय जोहार…. कोरोना काल म लोगन मन ल राहत दे ल छत्तीसगढ़ हाईकोर्ट के न्यायाधीश प्रशांत मिश्रा अउ विधिक सेवा प्राधिकरण के अध्यक्ष ह बड़का पहल करे हे। इहां वीडियो कांफ्रेंस ले लोक अदालत ह होही। जेन देश म पहली बार होही। एमा 2500 ले जियादा मामले के सुनवाई ह होही। सनिच्चर के हाईकोर्ट के चीफ जस्टिस पीआर रामचंद्र मेनन ह एखर शुभारंभ करही।
हाईकोर्ट जस्टिस प्रशांत मिश्रा के अनुसार देश के पहले वीडियो कांफ्रेंस लोक अदालत लगाय के मकसद ह लोगन मन ल महसूस हो कि कोरोना काल म हाईकोर्ट घलो राहत दे बर चाहत हे, ताकि आर्थिक परेशानी ले जूझत पक्षकार मन ल राहत मिले। ए लोक अदालत म बीमा, चेक बाउंस समेत सब्बो तरह के समझौता वाला मामले ल सुनवाई बर रखे गे हे। रायपुर म 850 प्रकरण हे।