किसान सभा ह करही देशव्यापी प्रदर्शन 21 अप्रैल के
जय जोहार रायपुर…. कोरोना महामारी अऊ अनियोजित लाकडाउन के चलत किसान, ग्रामीण, गरीब, दिहाड़ी, प्रवासी मजदूर अऊ आदिवासी मन के समक्ष उत्पन्न समस्या मन ल हल करे बर केंद्र सरकार के उदासीनता के खिलाफ अखिल भारतीय किसान सभा ह 21 अप्रैल के भूख के विरुद्ध, भात बर नामक विरोध प्रदर्शन आयोजित करे हे।
छत्तीसगढ़ किसान सभा के राज्य अध्यक्ष संजय पराते अऊ महासचिव ऋषि गुप्ता ह बताइस कि कोरोना संकट ले सबले ज्यादा मार कमजोर वर्ग के लोग मन ल झेलना पड़त हे, लेकिन केंद्र सरकार ह लाकडाउन के दौरान ओखर अजीविका ल होइस नुकसान के भरपाई अऊ खेती किसानी ल बर्बाद होय ले बचाए बर अभी तक कोनो ठोस कदम नई उठाए हे। ये प्रदर्शन सरकार के इही असफलता के खिलाफ आयोजित करे जात हे।
वो हा कहिन कि अनियोजित लाकडाउन के चलत देश के करोड़ों लोग मन ल अपन रोजगार ले हाथ धोना पड़े हे। मोदी सरकार ह 1.7 लाख करोड़ रूपिया के जेन आर्थिक पैकेज घोसित करे हे, ओमा आम जनता बर वास्तविक राहत राशि 70000 करोड़ रूपिया घलो नई हे। वो हा कहिन कि मोदी सरकार ह लोग मन के रोजी-रोटी के होइस नुकसान के भरपाई करे बिना फिजिकल डिस्टेंसिंग के सहारा कोरोना संकट ले लड़े ल चाहत हे। जबकि अब ये स्पष्ट हे कि आम जनता ल सामाजिक सुरक्षा दे बिना ए महामारी ले लड़े नई जा सकत हे।
