chhattisgarh: खेती अऊ किसानी के मांग ल ले के किसान सभा ह पांच सितम्बर के करही देशव्यापी प्रदर्शन
जय जोहार…. (chhattisgarh) खेती अऊ किसानी के समस्या ल केंद्र म रखके अऊ कोरोना संकट म ग्रामीण गरीब मन ल राहत दे के मांग ल ले के अखिल भारतीय किसान सभा ह पांच सितम्बर के पूरा देश म प्रदर्शन करही।
कोविड 19 के गाइडलाइन अऊ फिजिकल डिस्टेंसिंग ल धियान म रखत हुये छ्त्तीसगढ़ (chhattisgarh) किसान सभा घलो गांव म ए प्रदर्शन के आयोजन करही। ए दौरान केंद्र सरकार के कृषि अऊ किसान विरोधी नीति के खिलाफ अपन विरोध दर्ज करही।
छत्तीसगढ़ (chhattisgarh) किसान सभा के अध्यक्ष संजय पराते अऊ महासचिव ऋषि गुप्ता ह बताइस कि मोदी सरकार के कार्पोरेट परस्त नीति के सती एक लंबा समय बर देश आर्थिक मंदी म फंस गे हे।
ए मंदी ले निकले के एकमात्र इहीं रास्ता हे कि आम जनता के जेब म पैसे डाल अऊ मुफ्त खाद्यान्न उपलब्ध करवा के ओखर क्रय शक्ति ल बढ़ाय जाए, ताकि बाजार म मांग पैदा हो अऊ उद्योग-धंधा ल गति मिले।
