Chhattisgarh: खेती अऊ किसानी के मांग ल ले के किसान सभा काली करही देशव्यापी प्रदर्शन

जय जोहार…. खेती अऊ किसानी के मांग ल ले के किसान सभा ह काली देशव्यापी प्रदर्शन करही। छत्तीसगढ़ (Chhattisgarh) किसान सभा के अध्यक्ष संजय पराते अऊ महासचिव ऋषि गुप्ता ह बताइस कि मोदी सरकार के कॉर्पोरेटपस्त नीति के सती देश आज एक गंभीर आर्थिक मंदी म फंस गे हे।

ए मंदी ले निकले के एकमात्र रास्ता इहीं हे कि आम जनता मन के जेब म पैसा डाल अऊ मुफ्त खाद्यान्ना उपलब्ध करवा के ओखर क्रय शक्ति ल बढ़ाय जाए। एखर संगेसंग सार्वजनिक कल्याण के काम म सरकारी निवेश करे जाए अऊ राष्ट्रीय संपदा ल बेचे के नीति ल पलटा जाए, लेकिन एखर बजाय केंद्र सरकार ह ए आर्थिक संकट के बाझ आम जनता मन म लादत हे अऊ ओखर सामने अपन आजीविका के समस्या पैदा हो गे हे।

एखर सती (Chhattisgarh) किसान सभा ह केंद्र सरकार ले किसान अऊ प्रवासी मजदूर मन के रोजी-रोटी, ओखर आजीविका अऊ लाकडाउन म ओ मन ल नुकसान के भरपाई के मांग करत हे।

बता दन कि (Chhattisgarh) किसान सभा के तरफ ले 11 सूत्री मांग ल ले के पूरा देश म एक लंबा अभियान चलाय जावत हे। ये प्रदर्शन ह ए अभियान के हिस्सा हे।