CM Bhupesh Baghel ले बॉलीवुड फिलिम अभिनेत्री स्वरा भास्कर ह करीन सौजन्य मुलाकात

जय जोहार। सीएम भूपेश बघेल (CM Bhupesh Baghel) ले ओखर निवास कार्यालय म बॉलीवुड फिलिम अभिनेत्री स्वरा भास्कर ह सौजन्य मुलाकात करीन । ए दउरान मुख्यमंत्री ह सुश्री स्वरा ल मिलेट ले बने उत्पाद अउ कोसा ले बने साड़ी उपहार स्वरुप भेंट करीन।

मुख्यमंत्री श्री बघेल ले मुलाकात के दउरान अभिनेत्री सुश्री स्वरा भास्कर ह बताइन कि फिलिम निर्माण बर छत्तीसगढ़ राज्य एक ठीन बेहतरीन अउ उपयुक्त जगह हे । इंहा के कला- संस्कृति, पर्यटन अउ ऐतिहासिक स्थल फिलिम उद्योग ल सहजता ले आकर्षित करत हे , जेन फिलिम निर्माण बर सबले जरूरी हे । सुश्री भास्कर ह छत्तीसगढ़ के फिलिम नीति के घलो सराहना करीन ।

वोहा बताइन कि हमन ल फिलिम निर्माण बर इंहा ले काफी सहयोग घलो मिलत हे । गौरतलब हे कि पिछले एक महीना ले छत्तीसगढ़ म फिलिम मिसेज फलानी के शूटिंग चलत हे, जेमा अभिनेत्री सुश्री स्वरा भास्कर ह मुख्य किरदार म नजर आही ।