CM Bhupesh Baghel ले लोक गायिका अलका परगनिहा चंद्राकर ह करीन सौजन्य मुलाकात

जय जोहार। सीएम भूपेश बघेल (CM Bhupesh Baghel) ले रविवार संझा ओखर निवास कार्यालय म सुप्रसिद्ध लोक गायिका अलका परगनिहा चंद्राकर ह सौजन्य मुलाकात करीन। मुख्यमंत्री ल वोहा छत्तीसगढ़ी रेडियो चैनल एफएम 91.2 के सुभारंभ के अवसर म बतौर मुख्य अतिथि आमंत्रित करीन । मुख्यमंत्री ह आमंत्रण बर ओमन ल धन्यवाद दीन।

श्रीमती चंद्राकर ह बताइन कि रेडियो एफएम चैनल 91.2 के सुभारंभ कुम्हारी जिला दुर्ग म होवइया हे। जेखर प्रसारण पूरा छत्तीसगढ़ी बोली म करे जाही। एखर संग ए चैनल के ऐप के घलो सुरुवात होवइया हे। वोहा बताइन कि ए एफएम के सुरु करे के मुख्य उद्देश्य छत्तीसगढ़ी कला, संस्कृति, बोली अउ स्थानीय लोक-जीवन के प्रचार-प्रसार करना हे । ए मउका म श्याम वर्मा अउ अमित परगनिहा घलो मौजूद रिहीन ।