Raipur : मुख्यमंत्री ले छत्तीसगढ़ राज्य प्रसासनिक सेवा संघ के पदाधिकारी मन ह करीन सौजन्य मुलाकात
जय जोहार। (Raipur) मुख्यमंत्री भूपेश बघेल ले आज ओखर निवास कार्यालय म छत्तीसगढ़ राज्य प्रसासनिक सेवा संघ के प्रतिनिधि मंडल ह सौजन्य मुलाकात करीन। वोहा मुख्यमंत्री श्री बघेल ल पुष्प गुच्छ भेंट कर नवा बछर 2023 के सुभकामना दीन । संघ के सदस्य मन ह मुख्यमंत्री ल राज्य प्रसासनिक सेवा के शर्त म गुणात्मक सुधार सम्बंधित ज्ञापन देके निराकरण बर अनुरोध घलो करीन ।
ए अवसर म अखिल भारतीय राज्य प्रसासनिक/नागरिक सेवा संघ के अध्यक्ष डॉ. जीबन चक्रवर्ती, महासचिव शिव दुलार सिंह ढिल्लों अउ लाजवीर सिंह घलो उपस्थित रिहीन । श्री चक्रवर्ती ह राज्य के लोककल्याणकारी योजना बर मुख्यमंत्री के प्रसंसा करीन । वोहा राज्य प्रसासनिक सेवा के अधिकारी मन ल राज्य सरकार डहार ले मिलत प्रोत्साहन बर मुख्यमंत्री के आभार व्यक्त करीन ।
छत्तीसगढ़ राज्य प्रसासनिक सेवा संघ के अध्यक्ष आशुतोष पांडेय, सदस्य म सौमिल रंजन चौबे, डॉ. सूरज कश्यप, उमेश पटेल, हरवंश सिंह मिरी, जागेश्वर कौशल, जोगेन्द्र नायक, विरेन्द्र बहादुर पंचभाई, भारती चंद्राकर, भागवत जायसवाल, उमाशंकर बन्दे, पुलक भट्टाचार्य, मनीष साहू, दिव्या वैष्णव अउ रूचि शर्मा घलो उपस्थित रिहीन ।
