Raipur : सीएम भूपेश बघेल ले छत्तीसगढ़ कर्मचारी-अधिकारी फेडरेशन के प्रतिनिधि मंडल ह करीन सौजन्य मुलाकात

जय जोहार। (Raipur) मुख्यमंत्री भूपेश बघेल ले आज ओखर विधानसभा परिसर के कार्यालय कक्ष म छत्तीसगढ़ कर्मचारी-अधिकारी फेडरेशन के प्रतिनिधि मंडल ह सौजन्य मुलाकात करीन। वो हा राज्य के अधिकारी अउ कर्मचारी बर पुराना पेंशन योजना बहाली के फइसला बर मुख्यमंत्री ल स्मृति चिन्ह, शॉल अउ पुष्प गुच्छ भेंटकर ओखर आभार व्यक्त करीन। मुख्यमंत्री श्री बघेल ह राज्य के बछर 2022-23 के बजट म पुराना पेंशन योजना लागू करे के घोसना करे हे।

ए अवसर म छत्तीसगढ़ कर्मचारी-अधिकारी फेडरेशन के प्रांतीय संयोजक कमल वर्मा ह किहीन कि मुख्यमंत्री भूपेश बघेल डहार ले संवेदनशीलता के संग लेगे ए ऐतिहासिक निर्णय ले छत्तीसगढ़ के अधिकारी अउ कर्मचारी के भविष्य सुरक्षित होय हे। (Raipur) ए निर्णय ले अधिकारी अउ कर्मचारी म हर्ष हे । वो हा किहीन कि छत्तीसगढ़ कर्मचारी-अधिकारी फेडरेशन डहार ले मुख्यमंत्री के वृहद अभिनंदन समारोह नवा रायपुर स्थित इंद्रावती भवन म शीघ आयोजित करे जाही। वो हा अभिनंदन समारोह म शामिल होय के आग्रह मुख्यमंत्री ले करीन। मुख्यमंत्री श्री बघेल ह ऐखर बर सहमति प्रदान करे हे ।

(Raipur) फेडरेशन के प्रतिनिधिमण्डल म आर.के. रिछारिया, सतीश मिश्रा, राजेश चटर्जी, लक्ष्मण भारती, बी.पी. शर्मा, विजय झा, संजय सिंह, पंकज पांडे, चंद्रशेखर तिवारी, आर.एन. ध्रुव, डी.एस. भारद्वाज, मूलचंद शर्मा, यशवंत वर्मा, मनीष ठाकुर, सत्येन्द्र देवांगन, राकेश शर्मा, राम सागर कौशले, होरीलाल छेदैया, डी.एस. पाटिल, विजय लहरे, मनीष मिश्रा, अश्वनी वर्मा, नीरज सिंह, देवलाल भारती, अश्वनी चेलक उपस्थित रिहीन।