chhattisgarh : मुख्यमंत्री ले निगम-मंडल अउ आयोग के नवनियुक्त पदाधिकारी मन ह करीन सौजन्य मुलाकात

जय जोहार । (chhattisgarh) मुख्यमंत्री भूपेश बघेल ले आज ओखर निवास कार्यालय म विभिन्न निगम, मंडल अउ आयोग के नवनियुक्त पदाधिकारी मन ह सौजन्य मुलाकात करीन। मुख्यमंत्री श्री बघेल ह सबो नवनियुक्त पदाधिकारी मन ल हार्दिक बधाई देत हुए पदेन दायित्व के कुसलतापूर्वक निर्वहन बर सुभकामना दीन।

ए अवसर म छत्तीसगढ़ (chhattisgarh) खनिज विकास निगम के अध्यक्ष गिरीश देवांगन, छत्तीसगढ़ सिंधी अकादमी के उपाध्यक्ष नानक रेलवानी, छत्तीसगढ़ राज्य बीज प्रमाणीकरण संस्था के सदस्य बृजेश शर्मा, छत्तीसगढ़ असंगठित कर्मकार समाजिक सुरक्षा मंडल के सदस्य सोमेश चटर्जी, छत्तीसगढ़ संस्कृत विद्या मंडल के सदस्य शंकर सोढ़ी, छत्तीसगढ़ राज्य जीव जंतु कल्याण बोर्ड के सदस्य मदनलाल देवांगन समेत कई निगम, मण्डल अउ आयोग के नवनियुक्त पदाधिकारी मन उपस्थित रिहीन।