CM Bhupesh Baghel ले भारतीय प्रशासनिक सेवा 2022 के प्रशिक्षु अधिकारी मन ह करीन सौजन्य मुलाकात
जय जोहार। सीएम भूपेश बघेल ले आज ओखर निवास कार्यालय म भारतीय प्रशासनिक सेवा 2022 के प्रशिक्षु अधिकारी मन ह सौजन्य मुलाकात करीन । मुख्यमंत्री ल अपर मुख्य सचिव अउ छत्तीसगढ़ प्रशासन अकादमी निमोरा के महानिदेशक रेणु जी. पिल्ले ह बताइन कि भारतीय प्रशासनिक सेवा 2022 के तीन अधिकारी नम्रता चौबे, प्रखर चन्द्राकर अउ युवराज मरमट ल छत्तीसगढ़ कैडर म आबंटित करे गेहे । ए अधिकारी मन ल 52 सप्ताह के जिला प्रशिक्षण कार्यक्रम बर जिला म पदस्थ करे गेहे।
ए वार्षिक प्रशिक्षण कार्यक्रम के अंतर्गत 5 सप्ताह के उन्मुखीकरण प्रशिक्षण 29 मार्च ले 30 जून तक छत्तीसगढ़ प्रशासन अकादमी निमोरा म आयोजित हे । ए प्रशिक्षण के दउरान प्रशिक्षु अधिकारी मन ल राज्य शासन के विभिन्न नियम, अधिनियम, प्रक्रिया, योजना अउ परियोजना की विस्तृत जानकारी के संग प्रमुख विभाग के क्रियाकलाप के घलो जानकारी दे जाही । संग ही एमन ल राज्य म होवत नवाचार अउ बेस्ट प्रैक्टिसेज के विषय म अवगत कराए जाही ।
मुख्यमंत्री ले प्रशिक्षु अधिकारी मन ह प्रशिक्षण के अनुभव ल साझा करीन । मुख्यमंत्री श्री बघेल ह अधिकारी मन ले किहीन कि प्रशिक्षण के ये बेरा बड़ अकन मूल्यवान हे । एखर पूरा लाभ उठात हुए अपन प्रशासनिक क्षमता के मूल्यवर्धन करे , ताकि आप अपन प्रशासनिक दायित्व के भली-भांति निर्वहन करत हुए छत्तीसगढ़ राज्य के विकास म सकारात्मक योगदान दे सके।
भारतीय प्रशासनिक सेवा 2022 के ए अधिकारी मन म नम्रता चौबे के सहायक कलेक्टर, जिला बलौदाबाजार-भाटापारा, प्रखर चन्द्राकर के सहायक कलेक्टर, जिला- कांकेर अउ युवराज मरमट के सहायक कलेक्टर, जिला-रायगढ़ के रूप म पदस्थापना करे गेहे । मुख्यमंत्री ले मुलाकात के दउरान अपर मुख्य सचिव सुब्रत साहू, छत्तीसगढ़ प्रशासन अकादमी के डायरेक्टर टी.सी. महावर और कोर्स डायरेक्टर सीमा सिंह उपस्थित रिहीन ।
