जय जोहार रायपुर…. मार्क्सवादी कम्युनिस्ट पार्टी ह कोरोना वायरस ले लड़े म राज्य सरकार के कदम मन ल अपर्याप्त बताए हे। पार्टी ह कहिन कि आज पूरा प्रदेश कोरोना वायरस के संकट अऊ संक्रमण ले जूझत हे। ए विश्वव्यापी महामारी ल निपटे के बजाए सरकारी अमला ह राज्य के मुख्य सचिव के अगुवाई म राम वन गमन पथ के मुद्दा म व्यस्त हे। माकपा ह सरकार ले पूछिस कि कोरोना वायरस अऊ राम वन गमन पथ म ले कौन सा मुद्दा सरकार के प्राथमिकता म हे।
माकपा राज्य सचिव संजय पराते ह कहिन कि प्रदेश म कोरोना पीड़ित संदिग्ध मरीज मन के इलाज साधारण मरीज मन के संग करे के अनेक प्रकरण रोज सामने आत हे। एखर ले स्पष्ट हे कि जांच के मामला म विशेषकर ग्रामीण क्षेत्र मन म ह मन बहुत पीछे हे अऊ इहां बुनियादी स्वास्थ्य सुविधा मन के विस्तार के जरूरत हे। पार्टी ह पूरा राज्य म मास्क अऊ सेनिटाईजर के कालाबाजारी होए के घलो आरोप लगात हुए कहिन कि हमर देश म स्वास्थ्य सेवा मन के बड़ा पैमाना म निजीकरण के चलत ए महामारी ले लड़ना अऊ मुश्किल हो गे हे।
