मास्क वितरण के बाद सफाई अभियान म उतरिस माकपा, जनता अऊ प्रशासन के घलो मिलत हे जनसमर्थन
जय जोहार कोरबा…. कोराना संकट के मद्देनजर कोरबा म माकपा कार्यकर्ता मन के तरफ ले नियमित रूप ले राहत अभियान संचालित करे जात हे। एला आम जनता अऊ प्रशासन के व्यापक रूप ले सहयोग-जनसमर्थन घलो मिलत हे।
एम्स के अनुसार आज जब कोरोना महामारी ह सामुदायिक संक्रमण के चरण म पहुंच गे हे। स्वास्थ्य सुरक्षा बर मास्क ह आम जनता के सबले बड़ा जरूरत बन गे हे। ए जरूरत ल पूरा करे के बीड़ा ल जनवादी महिला समिति ह उठाए हे अऊ ओखर तरफ ले बनाए गिस वॉशेबल मास्क के 2 हजार ले अधिक घर म वितरित करे गे हे। मास्क बनाए अऊ वितरण के काम अभी घलो चलत हे। कोरबा नगर निगम क्षेत्र म सबले ज्यादा मास्क वितरण के काम भैरोताल अऊ मोंगरा वार्ड म होए हे। जिहां ले माकपा के दु महिला पार्षद सुरती कुलदीप अऊ राजकुमारी कंवर निर्वाचित होए हे।
मास्क वितरण के बाद वे अपन वार्ड मन म सफाई अभियान के काम के नेतृत्व करत हे, ताकि ओखर क्षेत्र म संक्रमण के प्रभाव ल कम करे जा सके। ओखर निर्देशन म निगम के सफाई कर्मी मन ह नाली ल साफ अऊ मैनाथिन नामक दवाई के छिड़काव करत हे। गली मन म ब्लीचिंग पाउडर के घलो छिड़काव करे जात हे।
