Corona: भारत के पूर्व आलराउंडर यूसुफ पठान के कोरोना रिपोर्ट आय हे पाजिटिव, पढ़व

जय जोहार…. इंडिया के पूर्व आलराउंडर यूसुफ पठान कोरोना (corona) पाजिटिव पाय गे हे। एखर जानकारी ल वो हा ट्वीट कर दे हे। अपन ट्वीट म यूसुफ पठान ह बताईस कि ओ हा अपन घर म क्वारंटीन हे।

वो हा लिखिन कि हलका लक्षण के संग मोर कोरोना (corona) रिपोर्ट पाजिटिव आय हे। रिपोर्ट आय के बाद मेहा स्वयं ल अपन घर म क्वारंटीन कर ले हों। मेहा सबो जरूरी कदम उठात हों।

वो हा अपन संपर्क म आय मनखे मन ल कोरोना (corona) टेस्ट करवाये के अपील करिन। वो हा कहिन मोर अपील हे कि पिछिले कुछु दिन म जेन घलो मनखे मन ह मोर संपर्क म आय हे, ओ हा जल्दी अपन कोरोना टेस्ट करा ले।