बेमौसम बारिश अऊ ओले ले हो गिस फसल बर्बाद, किसान मन ह कलेक्टर ले मुआवजा बर लगाइस गुहार

जय जोहार राजनांदगांव…. जिला के कई क्षेत्र म सोमवार के शाम जमकर ओलावृष्टि होइस। जेखर ले ग्रामीण मन के घर अऊ ओखर फसल ल भारी नुकसान पहुंचिस। आज बड़े संख्या म किसान आसमान ले बरसे रहिस ओले ल लेके कलेक्ट्रेट कार्यालय पहुंचिस। ये दौरान किसान मन ह नुकसान के आंकलन करके क्षतिपूर्ति दिलाए के मांग करिस।

बता देन कि डोंगरगढ़ क्षेत्र के ग्राम मेढा के बड़े संख्या म किसान मन आसमान ले बरसे रहिस आफत के सबूत ल लेके कलेक्ट्रेट कार्यालय पहुंचिस। इहां किसान एक बोरी म ओले लेके आए रहिस। किसान मन ह कहिन कि सोमवार के रात लगभग 8.30 बजे जमकर ओलावृष्टि होइस। जेखर ले गांव के छानी वाले घर ल नुकसान पहुंचिस।