Ctet exam 2021 के रिजल्ट हो गे जारी, पहला अऊ दूसर पेपर म देखव अपन अंक

जय जोहार…. सेंट्रल बोर्ड आफ सेकेण्डरी एजुकेशन (सीबीएसई) ह सीटीईटी 2021 परीक्षा (Ctet exam 2021) के नतीजा ल जारी कर दे हे। जेन उम्मीदवार ह ए साल के परीक्षा म सामिल होय हे, ओ हा आधिकारिक वेबसाइट ctet.nic.in या cbse.nic.in म जाके अपन नतीजा ल चेक कर सकत हे।

बता देन कि (Ctet exam 2021) ए परीक्षा के आयोजन ल 31 जनवरी के करे गे रिहिस, जेखर परिणाम ल आज जारी करे गे हे। परीक्षा म सामिल होय उम्मीदवार ह अपन रजिस्ट्रेशन नंबर अऊ रोल नंबर के मदद ले अपन रिजल्ट ल चेक कर सकत हे।

(Ctet exam 2021) जारी रिजल्ट के मुताबिक पेपर 1 म 16 लाख 11 हजार 423 उम्मीदवार मन ह रजिस्ट्रेशन करे रिहिन। जेमा ले 12 लाख 47 हजार 217 उम्मीदवार मन परीक्षा म सामिल होय हे। पेपर 1 म 4 लाख 14 हजार 798 उम्मीदवार ह क्वालीफाई होय हे। जबकि पेपर 2 म 2 लाख 39 हजार 501 उम्मीदवार ह क्वालीफाई होय हे।