ग्राफ्टेड बैगन की खेती से बढ़ी किसान योगेश अग्रवाल की आय

रायपुर। राज्य शासन के किसान हितैषी नीति अपन शानदार परिणाम दिखात हे। बलौदाबाज़ार-भाटापारा जिला के भाटापारा ब्लॉक के गाँव सेमरिया (बी) के प्रगतिशील किसान योगेश अग्रवाल ग्राफ्टेड बैगन के खेती करके अपन आमदनी म बढ़ोतरी करे म सफल होए हे। अग्रवाल ह बतायिन कि पहली वो परम्परागत तरीका ले सब्जी के खेती करत रहिन। फिर ओमन ह उद्यानिकी विभाग द्वारा राष्ट्रीय कृषि विकास योजना अन्तर्गत ग्राफ्टेड बैगन अउ टमाटर प्रदर्शन योजना के लाभ मिलिस।

ओमन ह बतायिन कि ग्राफ्टेड बैगन रोग के प्रकोप सामान्य खेती के तुलना म कम हे। संग- संग एमा तीन सीजन म उत्पादन प्राप्त होथे। कम पानी अउ मजदूरी लागत घलो कम आथे। पौधा घलो मजबूत होथे, जेखर ले उत्पादन म सुधार होए हे। अग्रवाल ह बतायिन ए तकनीक ले किसान मन ल आर्थिक लाभ मिलत हे।

उल्लेखनीय हे कि उद्यान विभाग द्वारा जिला म किसान मन ल आधुनिक तकनीक ले जोड़के उखर आय म वृद्धि करने के उद्देश्य ले राष्ट्रीय कृषि विकास योजना अन्तर्गत ग्राफ्टेड बैगन अउ टमाटर प्रदर्शन योजना के संचालन करे जात हे, ए योजना जिला म पहली बार लागू करे गे हे, योजना के तहत ग्राफ्टेड बैगन अउ टमाटर के खेती कृषक मन द्वारा करे जात हे जेखर बर प्रति प्रदर्शन राशि रू. 30000  के अनुदान देय जात हे।

जिला ल 188 नग प्रदर्शन के लक्ष्य प्राप्त होए हे जेखर विरूद्ध नियमानुसार 188 कृषक मन के चयन करे गिस अउ कृषक मन ल ए योजना के लाभ देय जात हे।