chhattisgarh : कस्टम मिलिंग बर 94.47 लाख मीटरिक टन धान के होगे उठाव, पढ़व
जय जोहार। (chhattisgarh) कस्टम मिलिंग बर धान के तेजी ले उठाव जारी हे । राज्य म 15 मार्च तक 94.47 लाख मीटरिक टन धान के उठाव होगे हे। छत्तीसगढ़ डहार ले केन्द्रीय पूल म चावल जमा कराय के मामला म घलो तेजी ले काम करे जात हे। अब तक केन्द्रीय पूल म 29.78 लाख मीटरिक टन चावल जमा कराय जा चुके हे। एमा भारतीय खाद्य निगम म 16.06 लाख मीटरिक टन अउ नागरिक आपूर्ति निगम म 13.72 लाख मीटरिक टन चावल सामिल हे।
खाद्य सचिव टोपेश्वर वर्मा ह बताइन कि मुख्यमंत्री की पहल म ए बछर धान खरीदी के संग कस्टम मिलिंग बर धान के तेजी ले उठाव करे जात हे । (chhattisgarh) अब तक डीओ अउ टीओ के माध्यम ले 94.47 लाख मीटरिक टन धान के रिकार्ड उठाव होगे हे। उहें 73 लाख 63 हजार मीटरिक टन धान के डीओ जारी कर दे गेहे। उपार्जन केन्द्रों ले मिलर्स डहार ले 71 लाख 70 हजार मीटरिक धान के उठाव ल कर ले गेहे ।
अइसने 23 लाख 37 हजार मीटरिक टन धान के परिवहन बर टी.ओ. जारी करे गेहे । (chhattisgarh) जेखर विरूद्ध समिति ले 22 लाख 78 हजार मीटरिक टन धान के उठाव होगे हे । धान खरीदी केन्द्र ले धान के उठाव अउ कस्टम मिलिंग घलो युद्ध स्तर म जारी हे । ए बछर केन्द्रीय पूल म 61.65 लाख मीट्रिक टन अरवा चावल जमा कराय जाना हे।
