दीपक बावनकर@रायपुर हमन बात करत हन रायपुर के कलाकार विक्रम राज के पेशा ले वकील अउ दिल म कलाकारी के जज्बा लिए अब तक कतको फिलिम म अभिनय के छाप छोड़े हे विक्रम ह। ओखर अदाकारी ले तेलुगु फिलिम इंडस्ट्रीज घलोक अछूता नई हे , वो ह 3 तेलुगु भाषा के फिलिम म काम कर डारे हे। शानदार लुक बेहतरीन डिल डोल के मालिक विक्रम राज जब पर्दा म डायलॉग बोलथे तो अईसे लगथे कि कोई दबंग कलाकार पर्दा फाड़ के बाहर आ जाही ।
महतारी, परेम के जीत, बाप बड़े ना भैया सबले बड़े रुपैया, टूरा रिक्शावाला , मया दे दे मयारु, मोर संग चल मितवा, महूं कुंवारा तहूं कुवारी, हस झन पगली फस जबे ये सब नाम वो फिलिम के आए जेमा विक्रम के अभिनय काबिले तारीफ रिहीस। अइसने अवैया फिलिम म रंगोबती, राजा भैया,जोहार छत्तीसगढ़ अउ भूलन जइसे बड़ अकन फिलिम आये। विक्रम राज मुंबई के सीरियल म घलोक अभिनय करे हे।
विक्रम अईसे प्रतिभा के धनी आए कि ओला निगेटिव रोल हो या हास्य कलाकार के अभिनय दोनों में वो ह परफेक्ट साबित होथे, छोलिवुड़ के निर्देशक मन के पसदिन्दा कलाकार मन म विक्रम एक हे जेला ले बर कोई भी निर्माता निर्देशक ला ज्यादा सोचे ल नई पड़े, काबर कि वो ह अपन काम म हमेशा खरा उतरथे।
Other Articles
होटल में मिलीस सड़हा आलू , निगम ह ठोकिस जुर्माना
