अईसनहा घलो होथे बाप.. अपन 1 साल के मासूम बेटी के चढ़ा दिस बलि

एक बाप होथे जेखर गोदी म लईका ह अपन आप ल सबले जादा सुरक्छित मानथे फेर जब उही बाप ह अपन लईका के काल बन जाए त ऐला का कहिबो… मुंगेली के जरहागांव म अईनहा एक मामला सामने आ हे जेमा अंधविश्वास के नसा म चूर एक पिता ह अपन एक साल के मासूम बेटी के बलि चढ़ा  दिस… का हे पूरा मामला पढ़व

बताए जात हे कि काली मुंगेली के जरहागांव थाना क्षेत्र म ए मामला घटित होईस जेमा अंधविस्वास के चक्कर म फंस के आरोपी रंजीत पटेल (30) ह अपन 12 महीना के बेटी ल जान ले मार दिस,, घटना जरहागांव थाना के तराई गांव के तीर लगे गाँव दताइकपा के हवय,, जिहा कल रात 8 बजे आरोपी रंजीत पटेल पिता शिवकुमार पटेल उमर 30 साल ह अपन बेटी कोयल पिता रंजीत उमर 12 महीना  के बलि दे दिस।

मिले जानकारी के अनुसार पिता ह अंधविश्वास म फंस के अपन बेटी ल तक नई छोडिस, अउ मानवता ल शर्मशार करे के घटना ल अंजाम दिस,,, सूचना मिले के तुरंत बाद जरहागांव पुलिस ह मऊका पहुच के आरोपी ल घारा 302 के तहत गिरफ्तार करीस,,,मिले जानकारी के अनुसार आरोपी ह अपन जुर्म ल कबूल कर ले हे।