किसान ल पानी पीयई ह पड़गे महंगा, दिनदहाड़े हो गे लूट के शिकार

जांजगीर-चांपा। जिला म बैंक ले पइसा निकाल के घर जात रिहिस एक किसान ल रास्ता म रूक के पानी पीयई ह महंगा पड़गे। दिनदहाड़े एक अज्ञात आरोपी ह ओखर 2 लाख 35 हजार रूपिया ल लूट के भाग गे।

कोमो गांव के रहवईया हेतराम पटेल ह कोऑपरेटिव बैंक डभरा शाखा ले पइसा निकाल के अपन घर जात रहीस, इही दउरान कोटमी गांव म पानी पीये बर रूकीस ताहन उही समय म मनखे ह घलो पानी पीये के बहाना ओखर तीर म अइस अउ बैग ल लूट के फरार हो गे। बताए जात हे कि कोऑपरेटिव बैंक क्षेत्र म ये तरह के दूसरी घटना हे। पुलिस ह ये वारदात ल अंजाम देवईया अज्ञात आरोपी ल तलाश करत हे।