नवनीत शुक्ला, मुंगेली । “किसान के जीवन अउ गरीब के लइका एखर दुःख ल कोई नई जानय”अपन अधिकार बर तक उनला सुने अउ सहे बर लागथे । सरकार ह लोगन ल सुविधा देहे बर माईक म चिल्ला चिल्ला के कइथे । अउ गरीब किसान मन ओला सच मान लेथे । अउ एक आस लगा के बड़े साहब मन तीर चल देथे । जाथे त पता चलथे की अपन हक बर त पईसा देहे बर लगही ।
ये देखे बर मिलिस किसान आंदोलन म। एक किसान दिल के दउरा पड़े के कारण अपन जान ले हाथ धो दिस । पथरिया म बदरा गांव म खातू, बिजहा, अउ सूखा राहत के मुआवजा राशि नई मिले के कारण किसान मन आंदोलन करत रहिन हे । जेमा जिला प्रशासन के अधिकारी मन उहाँ समझाय बर गे रहिस। इहा खातू अउ बिजहा के बात म किसान अउ अधिकारी म बातचीत होगे । जेखर कारण किसान अपन घर जात रहिस अउ रस्ता म ओखर दिल के दौरा पड़े ले मौत होगे । ये सब ले गुस्साए कांग्रेसी नेता मन जिला के मुखिया ले मिल के मरइया के परिवार ल तुरते सहायता रासि देहे के माँग करिस। अउ दोषी अधिकारी ल सजा देहे के बात रखिन ।
कलेक्टर ह बताइस के पथरिया के बदरा खार के किसान मन ह पहिली घलो जनदर्शन म शिकायत लेके आये रहिन अउ कल इमन हस्ताक्षर युक्त आवेदन म सूखा राहत,, बीमा राशि,,अउ अन्य समस्या ल लेके आवेदन करके तत्काल निराकरण के मांग कर संबंधित अधिकारी मेर आवेदन सउपे रहिस हे अउ मांग पूरा नहीं होयके स्थिति म उग्र आंदोलन के चेतावनी भी दे रहिन। उहें पटवारी के ऊपर म आरोप रहिस ग्रामीन मनके सर्च रिपोर्ट बनाये बर ग्रामीन मन से पैसा के मांग करत रहित ऐ मामला ल जांच करके ओखर ऊपर कार्यवाही के बात कहिस।
“ आज किसान मन के आवाज ल दबाय बर जेन प्रसासनिक दबाव डाले गे हे हमन ओखर विरोध करथन । अउ मरईया के परिवार ल आर्थिक सहायता देहे के मांग करथन । साथ म दोषी अधिकारी ल सजा दिए जाए….राजेन्द्र शुक्ला,,जिलाध्यक्ष कांग्रेस कमेटी बिलासपुर
