बीजापुर के पत्रकार मुकेश चंद्राकर के मृत्यु, मुख्यमंत्री ह जताइन शोक

रायपुर। मुख्यमंत्री विष्णु देव साय ह  बीजापुर के पत्रकार मुकेश चंद्राकर के दुखद मृत्यु म शोक व्यक्त करिन अउ शोकसंतप्त परिवारजन के प्रति संवेदना व्यक्त करिन। अउ ए घटना के जांच के निर्देश घलो दिन हे।
       
 मुख्यमंत्री विष्णु देव साय ह कहिन कि बीजापुर के युवा अउ समर्पित पत्रकार मुकेश चंद्राकर के हत्या के समाचार अत्यंत दु:खद अउ हृदयविदारक हे। मुकेश जी के जाना पत्रकारिता जगत अउ समाज बर एक अपूरणीय क्षति हे। ए घटना के अपराधी ल कोनो भी हाल म बख्शा नई जाए। मुख्यमंत्री ह कहिन कि अपराधी मन ल जल्द ले जल्द गिरफ्तार करके कड़ा ले कड़ा सजा देय के निर्देश हमन देए हन। ओमन कहिन कि ईश्वर ले प्रार्थना हे कि दिवंगत आत्मा ल अपन श्री चरण म स्थान देवय अउ शोक संतप्त परिजन ल ए दुःख के घड़ी म संबल प्रदान करिस।