raipur म दुकान ल खोले अउ बन्द करे के समय हो गे तय, पढो पूरा खबर

जय जोहार…. राजधानी रायपुर (raipur) म लॉकडाउन ल नई बढ़ा के जिला प्रशासन ह दुकान ल खोले के समय ल तय कर दे हे।

ए निर्धारित समय के अनुसार व्यापारी मन ल दुकान खोले ल होही। प्रतिदिन आठ घंटा दुकान ल खोले जाही।

एखर संग सप्ताह म एक दिन इतवार के सबो व्यवसाय ह बंद रही। ए फइसला ल (raipur) व्यापारिक संगठन अउ जिला प्रशासन के बइठक म ले गे हे।

तय समय के अनुसार बिहिनिया छह बजे ले दोपहर 12 बजे तक सब्जी, डेयरी, मटन, मछली के दुकान ह खुलही।

बिहिनिया 8 बजे ले शाम चार बजे तक किराना, जनरल, प्रोविजन के दुकान खुलही।
(raipur) दोपहर 12 बजे ले रात आठ बजे तक आन सबो व्यवसाय, बिहिनिया 10 बजे ले रात आठ बजे तक रेस्टोरेंट होटल म डाइनिंग, रात आठ बजे ले 10 बजे तक होम डिलीवरी, बिहिनिया छह बजे ले 9 बजे तक अउ शाम पांच बजे ले रात आठ बजे तक गुपचुप, मोमोस, चाट आदि दुकान खुलही।