जिला खनिज न्यास समिति के बइठक म होय हे फइसला, विशेषज्ञ चिकित्सक, शाला संगवारी के पद म होही वैकल्पिक भर्ती
जय जोहार…. छत्तीसगढ़ सरकार के जिला खनिज संस्थान न्यास नीति के तहत वर्ष 2020-21 म कबीरधाम जिला के शिक्षित युवक-युवती मन बर शिक्षा अऊ स्वास्थ्य के क्षेत्र म बड़का पैमाने म रोजगार के द्वार खोले जाही।
सरकारी स्कूल म शिक्षक मन के कमी ल दूर करत हुये शिक्षक विहीन अऊ एकल शिक्षक स्कूल म शाला संगवारी के रूप म स्थानीय युवक-युवती मन ल रोजगार दे जाही। जिला अस्पताल अऊ ग्रामीण क्षेत्र म संचालित शासकीय स्वास्थ्य केन्द्र म स्वास्थ्य सुविधा के विस्तार करत हुये विशेषज्ञ चिकित्सक अऊ बहुउद्देशीय स्वास्थ्य कार्यकर्ता मन के वैकल्पिक स्वव्यवस्था के तहत सेवा के अवसर दे जाही।
महिला बाल विकास एवं समाज कल्याण मंत्री अऊ कबीरधाम जिला के प्रभारी मंत्री अनिला भेंड़िया अऊ वनमंत्री मोहम्मद अकबर के उपस्थिति म राजधानी ले वीडियो कांफ्रेंसिंग ले कबीरधाम जिला खनिज संस्थान न्यास की शासी परिषद के बइठक म ए निर्णय ल ले गिस।
ए बइठक म पंडरिया विधायक ममता चंद्राकर, कलेक्टर रमेश कुमार शर्मा समेत शासी परिषद के सदस्य अऊ अधिकारी उपस्थित रहिस।