रायपुर। मुख्यमंत्री भूपेश बघेल के निर्देश म त्वरित अमल करत हुए राज्य शासन के वित्त विभाग ह सार्वजनिक क्षेत्र के व्यावसायिक बैंक मन ले गे अल्पकालीन कृषि ऋण के माफी योजना 2019 के विस्तृत प्रावधान जारी करिस हे.
ए योजना म प्रदेस के सार्वजनिक क्षेत्र के 21 व्यावसायिक बैंक के 2 लाख 74 हजार 780 खाताधारक किसान मन के 4 हजार 17 करोड़ 74 लाख 83 हजार रूपए के कृषि ऋण माफ करे जाही.
योजना के प्रावधान के अनुसार प्रदेस के सबो कृषक मनके अइसे अल्पकालीन कृषि ऋण या स्थगित ऋण या मध्यमकालीन परिवर्तित ऋण या मध्यमकालीन पुनः परिवर्तित ऋण जे 30 नवम्बर 2018 म बकाया हे माफ करे जाही. फसलवार ऋण माफी के सीमा बर छत्तीसगढ़ राज्य सहकारी बैंक ह वर्ष 2018-19 म धान के फसल बर निर्धारित ऋण मान या फसल विसिष्ट बर निर्धारित ऋण मान जे रासि न्यून हो, उहीं ऋण माफी बर पात्र होही.
ऋण माफी के लाभ सार्वजनिक क्षेत्र के बैंक मन ले गे अल्पकालीन कृषि ऋण म मिलही. सार्वजनिक बैंक से अभिप्राय हे भारत सरकार के बहुसंख्यक शेयर ए बैंक मन म इलाहाबाद बैंक, आन्ध्रा बैंक, बैंक ऑफ बड़ोदा, बैंक आफ इंडिया, आईडीबीआई बैंक, बैंक ऑफ महाराष्ट्र, केनरा बैंक, सेन्ट्रल बैंक आफ इंडिया, कार्पोरेशन बैंक, इण्डियन बैंक, इण्डियन ओवसीस बैंक, ओरिएण्टल बैंक आफ कामर्स, पंजाब एंड सिंध बैंक, पंजाब नेशनल बैंक, स्टेट बैंक आफ इंडिया, सिंडीकेट बैंक, यूको बैंक, यूनियन बैंक आफ इंडिया, यूनाईटेड बैंक आफ इंडिया,देना बैंक अउ विजया बैंक सामिल हे।
योजना म अल्पकालीन कृषि ऋण ल छोड़के सेस कोने प्रकार के मध्यमकालीन, दीर्घकालीन ऋण ल माफी नइ कर जाही. योजना म कार्पोरेट या पार्टनरशिप फर्म या ट्रस्ट ल दे गे कृषि ऋण म ऋण माफी के लाभ प्राप्त नइ होही. भारतीय रिजर्व बैंक द्वारा नियंत्रित माईक्रो फाईनेंस संस्थान के वितरित कोनो प्रकार के ऋण ए योजना म सामिल नइ होही.
उल्लेखनीय हे कि पूर्व म मुख्यमंत्री भूपेश बघेल के नेतृत्व म अपन शपथ ग्रहण करे दू घण्टा बाद ही केबिनेट बैठक म किसान मन के अल्पकालीन कृषि ऋण माफ करे के निर्णय लेय गिस हे. एमा सहकारी बैंक मन अउ छत्तीसगढ़ राज्य ग्रामीण बैंक म समस्त किसान मन के दिनांक 30 नवम्बर, 2018 तक के 6 हजार 230 करोड़ रूपए के अल्पकालीन कृषि ऋण माफ करे गिस.
अउ सार्वजनिक क्षेत्रों के व्यावसायिक बैंक मन के माध्यम ले 4 हजार 17 करोड़ 74 लाख 83 हजार रूपए के अल्पकालीन कृषि ऋण घलो माफ करे जात हे. कृषक मन ल लाभान्वित करे बर ऋण माफी बर वर्ष 2019-20 के बजट म प्रावधान अउ बजट भाषण म घोषणा करेगे हे.
Other Articles
