प्रदेश म पहिली बार नवा व्यवहार न्यायालय भवन नगरी के वीडियो कांफेंसिंग ले होइस लोकार्पण
जय जोहार…. प्रदेश के उच्च न्यायालय के न्यायाधीश पीआर रामचंद्र मेनन ह वीडियो कांफ्रेंसिंग ले नवा व्यवहार न्यायालय भवन, नगरी के लोकार्पण करे हे।
ए अवसर म वो हा कहिन कि ए व्यवहार न्यायालय भवन ले क्षेत्रवासी मन ल न्याय मिले म सहूलियत होही। कोविड-19 ल धियान म रख के इहां सोशल अउ फिजिकल डिस्टेंसिंग के पालन करे जाही।
संगेसंग मास्क के उपयोग, नियमित हाथ धुलाई घलो करे जात रही।
ए अवसर म वीडियो कांफ्रेंस ले जुड़े उच्च न्यायालय के न्यायाधीश प्रशांत मिश्र ह कहिन कि आधुनिक सुविधा के संग ए न्यायालय भवन के लोकार्पण ले नगरी के लोगन मन ल न्याय मिले म आसानी होही।
ए दौरान जिला अउ सत्र न्यायाधीश सुधीर कुमार ह कहिन कि पुराना भवन म संचालित नगरी के व्यवहार न्यायालय भवन के अपन भवन बन के तैयार हो गे हे।
ये आधुनिक तकनीक ले भरपूर हे। वो हा बताइस कि इहां एक सिविल जज ह अपन सेवा देही।
ए कार्यक्रम में नगरी अधिवक्ता संघ के अध्यक्ष जागेश सोलंके, फैमिली कोर्ट के जज सिराजुद्दीन कुरैशी, अतिरिक्त न्यायाधिपति श्री पटेल, पुलिस अधीक्षक बीपी राजभानु आदि मौजूद रिहिस।
