chhattisgarh: ए जिला म रक्षा श्रेणी के उद्योग के होही स्थापना, सीएम के उपस्थिति म होय हे एमओयू म हस्ताक्षर
जय जोहार…. (chhattisgarh) सीएम भूपेश बघेल के उपस्थिति म आज छ्त्तीसगढ़ म रक्षा श्रेणी के उद्योग के पहली उत्पादन इकाई के स्थापना बर एमओयू म हस्ताक्षर करे गे हे।
ये औद्योगिक इकाई भारत सरकार के अलग-अलग सशस्त्र सेना जइसे थल सेना, बीएसएफ, सीआरपीएफ अउ राज्य सरकार के सशस्त्र बल बर बुलुटेप्रूफ जैकेट अउ हेलमेट के उत्पादन करही।
सीएम निवास म आयोजित एक संक्षिप्त समारोह म छत्तीसगढ़ (chhattisgarh) सरकार के उद्योग विभाग अउ रक्षा उत्पाद के औद्योगिक इकाई ह स्थापित करइया कम्पनी मेसर्स एटमास्टको लिमिटेड दुर्ग के मध्य एमओयू म हस्ताक्षर करे गे हे। ए अवसर म उद्योग मंत्री कवासी लखमा घलो उपस्थित रहिन।
रक्षा उत्पाद के ये इकाई ल छत्तीसगढ़ (chhattisgarh) के दुर्ग जिला के बिरेभांठ गांव म स्थापित करे जाही।
ए इकाई म कम्पनी के तरफ ले लगभग 87.50 करोड़ रूपिया के पूंजी निवेश करे जाही।
ए उद्योग के माध्यम ले लगभग 150 लोगन मन ल रोजगार मिलही। एखर प्रथम चरण म रक्षा उत्पाद के ये औद्योगिक इकाई ह एक-एक लाख बुलेटप्रूफ जैकेट अउ हेलमेट के उत्पादन करही।
