chhattisgarh : वनमंत्री मोहम्मद अकबर ले ब्राम्हण समाज के प्रतिनिधि मंडल ह करीन सौजन्य मुलाकात, विप्र भवन के निर्माण बर जताइन हे आभार

जय जोहार। (chhattisgarh) वन अउ जलवायु परिवर्तन मंत्री मोहम्मद अकबर ले राजधानी रईपुर के निवास कार्यालय म ब्राम्हण समाज कवर्धा के प्रतिनिधि मंडल ह सौजन्य मुलाकात करीन। ए दउरान प्रतिनिधि मंडल ह विप्र भवन के निर्माण के स्वीकृति म ओखर आभार जताइन । उल्लेखनीय हे कि विप्र भवन के निर्माण बर वनमंत्री अउ विधायक कवर्धा मोहम्मद अकबर ह अपन विधायक निधि ले 15 लाख रुपिया के रासि प्रदान करे हे।

(chhattisgarh) प्रतिनिधिमण्डल ह बताइन कि समाज के पास अपन स्वयं के भवन नई होय ले कई ठीन दिक्कत के सामना करे ल पड़त रिहीन। सामाजिक भवन हो जाय ले अब समाज के सदस्य मन ल कारीकरम करे म आसानी होही। अपन स्वयं के भवन हो जाय ले ब्राम्हण समाज म हर्ष व्याप्त हे। ए अवसर म ब्राम्हण समाज के प्रतिनिधिमण्डल ह क्षेत्र के विकास के संबंध म वनमंत्री ले चर्चा घलो करीन।

(chhattisgarh) वन मंत्री ले मिलइया म ब्राम्हण समाज के प्रतिनिधिमण्डल म चंद्रिका चौबे, अध्यक्ष सर्व ब्राम्हण समाज, मेदनी शंकर चौबे, प्रभाकर शुक्ला, सदानंद उपाध्याय, अशोक शर्मा, वेदनारायण तिवारी, संतोष चौबे, कीर्ति दत्त तिवारी, सुद्धू तिवारी, सुशील पांडे, सुरेश शर्मा, व्यास शर्मा (चचेड़ी), बिसाहू पांडे, रविन्द्र शुक्ल, दीपक तिवारी, राजेन्द्र शर्मा, राजेश शुक्ला, बिन्नु तिवारी, बंटी तिवारी, महेन्द्र शर्मा, लक्की शर्मा ह सामिल रिहीन।