CM Bhupesh Baghel ले यादव महासभा छत्तीसगढ़ के प्रतिनिधिमंडल ह करीन सौजन्य मुलाकात

जय जोहार । सीएम भूपेश बघेल (CM Bhupesh Baghel ) ले मंगलवार के संझा रायपुर म ओखर निवास कार्यालय म अखिल भारतवर्षीय यादव महासभा छत्तीसगढ़ प्रदेस के प्रतिनिधिमंडल ह सौजन्य मुलाकात करीन । ए दउरान प्रतिनिधिमंडल ह मुख्यमंत्री ल यादव महासभा के राष्ट्रीय सम्मेलन म बतौर मुख्य अतिथि सामिल होय के आमंत्रण देहे ।

सम्मेलन के आयोजन ल 5 मार्च के मंझनिया 12 बजे ले बिलासपुर के लाल बहादुर शास्त्री शाला प्रांगण म करे गेहे । सम्मेलन म देस भर ले यादव समाज के प्रतिनिधि भाग लेही । ए अवसर म यादव महासभा के पदाधिकारी भुनेश्वर यादव, देव यादव, कमल यादव, एस.डी. यादव अउ मिथलेश यादव उपस्थित रिहीन ।