पबजी गेम ल बंद करे के मांग..विधानसभा उठाइस कुलदीप ह

रायपुरः पबजी गेम ए दिन मन म लइका मन ही नइ कुछु वयस्क मन के घलो लत

बनत जात हे.  ए बीच म छत्तीसगढ़ विधानसभा म कांग्रेस के एक विधायक  ह ए गेम

म बइन लगाए के मांग करिस हवय.

कांग्रेस विधायक कुलदीप जुनेजा ह मोबाइल गेम पबजी म प्रतिबंध लगाए के मांग

करिन. सून्यकाल म उमन कहिन, पबजी खेले ले लइका मन के पढ़ाई खराब होवत

हवय.अइसे म परीक्षा ल देखत हुए एमा बइन लगना चाही. मध्यप्रदेश म ए गेम म

बइन लगा चुके हे. जुनेजा ह पबजी के संग ही फ़ोर्ट नाइट, हिटमैन, पोकमैन जइसे

गेम्स के लइका मन उपर बुरा असर पड़े के बात कहत हुए ए मन म घलो बइन के मांग

करिस.

पबजी एक अइसे मोबाइल गेम हे, एला खेलइया लोगन एखर एडिक्ट होवत हे. एक बार

गेम खेले बर बइठिस त लोगन  मन कतको घंटा ल एखर पाछू बर्बाद कर देलत हे.

खासतउर  म लइका मन के पढ़ाई म एखर बुरा असर पड़त हवय. एमा प्रधानमंत्री नरेंद्र

मोदी के परीक्षा के चर्चा के दउरान एक सवाल उठ चुके हे.