जशपुरनगर। कुनकुरी के पूर्व विधायक भरत साय के मोबाइल नंबर ले एक वाट्सएप ग्रुप म पंजाबी पोर्न वीडियो के डिमांड करे के मामला सामने आए हे।
अचानक ग्रुप म पोर्न वीडियो के डिमांड वाला लाइन लिखे देखके ग्रुप के मेंबर मन आपत्ति जताईन।
थोरिक देर बार पूर्व विधायक हा ओ ग्रुप ले लेफ्ट होगें, जेकर बाद लगातार ओमन ला कई सोशल मीडिया साइड म ट्रोल करे जाय लगिस।
हालांकि पूर्व विधायक हा सफाई दे हें कि उंकर मोबाइल कहुं गवां गे रिहिस, कोनो दूसरा आदमी हा अइसे करिस होही।
मीडिया म ये खबर वायरल होवत हे कि फरसाबहार के न्यूज ग्रुप म भरत साय 1 के नाम ले सेव नंबर ले पंजाबी पोर्न वीडियो लिखके डाले गिस। जेमा एक ग्रुप मेंबर हा ग्रुप के मर्यादा भंग मत करे के बात लिखिस।
थोरिक देर बाद भरत साय के नंबर हा ग्रुप ले लेफ्ट होगे। एकर बाद लोगन मन ग्रुप म ये लिखके डारे लगिन कि दरअसल गुगल म सर्च करे के बजाए पूर्व विधायक हा मैसेज ला वाट्सएप ग्रुप म डाल दीन, एकर सेती अइसे होईस।
बता देंन कि कुनकुरी के पूर्व विधायक भरत साय हा बीते विधानसभा चुनाव म कुनकुरी सीट ले भाजपा के प्रत्याशी रिहिन।
मोबाइल गिर गे रिहिस, कोनो दूसर करिस होगी अइसन काम : ए संबंध म मीडिया ले बातचीत म भरत साय के कहना हे कि दोपहर के उंकर मोबाइल हा दरवाजा तिर कहुं कर गिर गे रिहिस। ए उंकर ध्यान म नई रिहिस।
जब मोबाइल म लगातार फोन आए लगिस अउ घंटी के लगातार आवाज सुनईस त ओमन घर के अंगना तक पहुंचिन, उही करा मोबाइल हा परे रिहिस।
श्री साय के कहना हे कि ए दौरान मोबाइल हा दूसर के हाथ लग गे रिहिस होही, काबर कि उंकर घर कतको लोगन के आना-जाना लगे रहिथे।
श्री साय के कहना हे कि मैं अभी सही ढंग ले मोबाइल चलाए बर नईच जानव।
No Comment! Be the first one.