सिर्फ पांच दिन म जिला पंचायत अध्यक्ष ह करिस ग्रामीण मन के मांग ल पूरा

जय जोहार गरियाबंद। जिला के जिला पंचायत अध्यक्ष स्मृति नीरज ठाकुर ह ग्रामीण मन के समस्या के हल निकाले म हमेशा तत्पर रहत हे। सिर्फ पांच दिन पहिली ही ग्राम झरगांव के ग्रामीण मन ह ग्राम गदामुड़ा सड़क म पुलिया के मांग ल लेके जिला पंचायत अध्यक्ष ल ज्ञापन सौंपे रहिस, जेखर जिला पंचायत अध्यक्ष ह निराकरण कर दे हे।

बतावत जात हे कि लंबा समय ले पुलिया के मांग करे जात रहिस। अइसे म जिला पंचायत अध्यक्ष के प्रयास ले पांच लाख रूपिया के पुलिया बर स्वीकृति शासन स्तर म मिले हे। एखर अलावा गांव के वार्ड 13 के बलिराम नागेश पारा अऊ वार्ड 14 म सीसी सड़क के मांग ग्रामीण लंबा समय ले करत रहिस। ए मांग म जिला पंचायत अध्यक्ष के प्रयास ले 10 लाख रूपिया के स्वीकृति पंचायत मंत्री ह दे हे। ऊहचे वार्ड 2 म घलो पांच लाख रूपिया के सीसी रोड के स्वीकृति मिलिस।